Verkefni: Glærusýning og ritvinnsla

Úr Tæknimennt í samþættu skólastarfi

Verkefnið er m.a. hugsaður sem vefleiðangur. Hann er tilvalið tæki til að kanna kunnáttu nemenda á tilteknum sviðum og dýpka hana. Um er að ræða rannsóknarverkefni þar sem efni á interneti er skoðað og metið, skýrsla gerð í ritvinnslukerfi og útdráttur í glærusýning með talglærum. Gott er að ætla að 4 - 8 tvöfaldir tölvutímar fari í það eftir aldri og tölvukunnáttu nemenda. --Carlos 10. maí 2008 kl. 16:33 (UTC)

Efnisyfirlit 1 Kynning verkefnisins 2 Bjargir / námur 3 Ferli 3.1 Internet 3.2 Ritvinnsla 3.3 Glærusýning 3.4 Heimavinna / tölvutímar 4 Mat 5 Niðurstaða

[breyta] Kynning verkefnisins

Hvaða vefsvæði bjóða ókeypis leiki á íslenskum vefjum? Hvernig eru þeir leikir og af hverju eru þeir vinsælir? Verkefnið reynir á:

samvinnu, samhjálp, sjálfstæð vinnubrögð Nemendur og kennarar mynda einskonar teymi fólks sem leysir verkefnið. Nemendur vinna einir, með vinum sínum og félögum, kennara og eldri eða yngri nemendum. Máli skiptir að hver nemandi þarf að kunna að biðja félaga sína um hjálp og líka að vera tilbúinn að veita hjálp.

skjalasumýslu, sendingu gagna um internetið, netvistun og leit á netinu Verkefnið reynir á heimilda og gagnaöflun af netinu. Virða ber höfundarétt og reglur um hvað er ritstuldur og hvað ekki, eðlileg heimildarfærsla skoðaðar. Umgegni um samskrár á innra tölvuneti. Tölvupóstur, gagnageymslur á netinu skoðaðar.

ritun og ritvinnslu Tilvalið tækifæri til að rifja upp reglur um gerð heimildaritgerðar eða skýrslu. Uppsetning skjala í ritvinnslukerfi, leiðréttingarforrit og prófarkalestur. Frágangur, merkingar, samræmi í ritgerð.

glærugerð Glærusýning sem fjölmiðlun, mynda, kvikmynda, texta og hljóðs. Skoða samræmi og framsetningu efnis á glærum.

upptöku hljóðs, myndvinnslu og skjákvikmyndun Kynnast einfaldri myndvinnslu, upptöku skjárkvikmynda, hljóðvinnslu.

sjálfsmat nemenda Nemandi gefur sér einkunn frá 1 – 10 um það hvernig þér finnst þú hafa staðið þig í vetur. Sjálfsmatið má gjarnan vega jafn þungt og kennaramatið. Best er að hafa það á sér síðu með ritvinnsluskjalinu. Viðbúið er að flestir nemendur dæmi sig harðar en kennarinn. Ef verkefnið er vel skilgreint er möguleiki á því að allir nái hámarkseinkun, þar sem hámarkseinkun er gefin fyrir það að ákveðinni færni er náð eða tiltekinn hlutur virkar.

[breyta] Bjargir / námur

Ritvinnsla

• Microsoft Word ( Win og Mac) - forritið er á flestum skólatölvun.
• OpenOffice ( Linux, Mac og Win) - frjáls hugbúnaður og ókeypis, inniheldur m.a. ritvinnslu, glærusýningu, töflureikni, gagnagrunn og teikniforrit.
• Apple Pages - er hluti iWork vöndulsins frá Apple.
• Google Docs - Veflægur skrifstofuvöndull sem inniheldur ritil, glærusýningartól og töflureikni. Ekkert gjald tekið fyrir afnot.

Glærusýning

• Powerpoint ( Win og Mac) - forritið er á flestum skólatölvun
• OpenOffice ( Linux, Mac og Win) - frjáls hugbúnaður og ókeypis, inniheldur m.a. ritvinnslu, glærusýningu, töflureikni, gagnagrunn og teikniforrit
• Apple Keynote - er hluti iWork vöndulsins frá Apple.
• Google Docs - Veflægur skrifstofuvöndull sem inniheldur ritil, glærusýningartól og töflureikni. Ekkert gjald tekið fyrir afnot.

Hljóðvinnsla

• Sound Recorder (Windows) ( Win) - er hljóðupptökuforrit sem fylgir stýrikerfinu.
• [[wikipedia:Audacity | Audacity] ( Linux, Mac og Win) - Stafrænt hljóðvinnsluforrit, frjáls hugbúnaður.
• QuickTime Pro ( Win og Mac) - Margmiðlunarkerfi sem leyfir vinnslu með myndir, kvikmyndir og hljóð á einmenningstölvu og í gegnum tölvunet.

Skjárkvikmyndir

• Snapz Pro X ( Mac) - tekur upp myndir, kvikmyndir og hljóð sem fara um tölvu notenda.
• [[wikipedia: CamStudio | CamStudio] ( Win) - tekur upp myndir, kvikmyndir og hljóð sem fara um tölvu notenda. Opinn hugbúnaður og ókeypis.
• Movie Maker ( Win) - Kvikmyndavinnsluforrit sem fylgir stýrikerfinu.
• iMovie ( Mac) - Kvikmyndavinnsluforrit, sem er hluti iLife hugbúnaðarpakkans.

Myndvinnsla

• Paint ( Win) - einfalt punkta málningar og teikniforrit, myndvinnslukerfi. Fylgir stýrikerfi.
• Preview ( Mac) - Mynd og PDF birtingarforrit. Möguleiki á að velja, afrita og flytja út skrár og hluta þeirra í önnur forrit. Fylgir stýrikerfi.
• OpenOffice ( Linux, Mac og Win) - frjáls hugbúnaður og ókeypis, inniheldur m.a. ritvinnslu, glærusýningu, töflureikni, gagnagrunn og teikniforrit.
• GIMP ( Linux, Mac og Win) - frjáls hugbúnaður og ókeypis punkta myndvinnsluforrit. Margir nota forritið í stað Adobe Photoshop og les það flest PSD skjöl.

Heyrnartól og hljóðnemi.

Gera má ráð fyrir að verkefnið taki milli 700 - 2000 kb á tölvudiski.

[breyta] Ferli

Nemandinn leitar og finnur ákveðinn fjölda ólíkra leikja af tilteknum íslenskum vefjum, prófar þá og skrifar um þá umsögn, ber þá saman og gefur þeim einkunn.

[breyta] Internet

Nemandi í 5. – 6. bekk kannar 9 leiki: 3 á www.nams.is/krakkasidur eða www.nams.is/unglingasidur 3 á www.leikjanet.is eða hliðstæðum leikjavefjum 3 á www.leikjavefurinn.is (gamaldags hópleikir, ekki tölvuleikir)

Nemandi í 7. – 8. bekk kannar 12 leiki: 4 á www.nams.is/krakkasidur eða www.nams.is/unglingasidur 4 á www.leikjanet.is eða hliðstæðum leikjavefjum 4 á www.leikjavefurinn.is (gamaldags hópleikir, ekki tölvuleikir)

Teknar eru skjámyndir <Print Screen> af leikjunum og klístrað í Paint, skorið til og síðan fært í önnur forrit. Eins má taka upp skjákvikmyndir með forritinu CamStudio, tala inn á þær kvikmyndir og klippa þær til í Moviemaker (Windows). Mac notendur geta notað Snapz Pro X (kostar) og iMovie til að vinna verkefnið.

[breyta] Ritvinnsla

Setja upplýsingar um skóla, heiti námskeiðs og dagsetningu ásamt kennara, nemanda og bekk í haus skjalsins (header and footer), setja upplýsingar um blaðsíðu í fót skjalsins.

Viðfangsefni skjalsins

• Nemandi í 5. – 6. bekk skrifar að minnsta kosti 400 orða umsögn um leikina.
• Nemandi í 7. – 8. bekk skrifar að minnsta kosti 800 orða umsögn um leikina.

Fram á að koma

• hvað leikurinn heitir,
• hvar hann er á netinu (URL),
• út á hvað leikurinn gengur,
• hvað er gott eða vont við hann
• einkunnargjöf (1 – 10 eða stjörnur),
• hvort auglýsingar séu á vefjunum og meta hvort þær auglýsingar eru við hæfi barna sem leika leikina.

Skeyta inn texta af netinu í ritvinnsluskjalið þar sem það á við og gæta þess að formgerð stafa sé í samræmi við skjalið sjálft (Word notendur nota: Format > Styles and Formating).

Gæta þess að þegar nemendur afriti annarra manna texta, þá noti þeir gæsalappir og vísi til heimilda á viðeigandi hátt.

Samantekt yfir fundið efni með því að búa til töflu þar sem fram koma helstu atriði hvers leikjar ásamt stjörnugjöf. Dæmi um töflu hér fyrir neðan.

Leikur	Heimasíða	Hverskonar leikur <10 orð	kostir og gallar <10 orð	einkunn	auglýsingar <10 orð
stöfum það	www.heimasíða.is	lærdómsleikur, stafsetning	+ skemmtilegur - of erfiður	5	engar auglýsingar

Nánari upplýsingar um uppsetningu heimildaritgerðar eða skýrslu á http://ritfaerni.nams.is.

[breyta] Glærusýning

Búa til til eina talglæru fyrir hvern leik. Nokkur orð með skjámyndum úr hverjum leik þar sem það á við. Finna myndir á netinu, teikna eða taka myndir af hópleikjum (ekki tölvuleikjum). Lýsa leiknum með tali sem er skeytt í glærusýninguna. Nokkrar aðferðir má nota við það, t.d. má búa til sjálfstætt hljóðskjal (windows: Sound Recorder, Audacity, Mac: QuickTime, Audacity) sem er síðan klippt og skeytt í glærusýninguna eða hljóð er tekið upp beint í glærusýningarforritinu (Powerpoint: Insert > Movies and Sounds > Record Sound).

[breyta] Heimavinna / tölvutímar

Nemandi má senda sér verkefni sín heim til sín og vinna þau þar eða koma í tölvustofu og vinna þau þar. Nemendur mega aðstoða hver annan og einnig fá aðstoð foreldra eða eldri systkina við gerð þessa verkefnis. Kennari má aðstoða nemendur í tölvutímum og utan þeirra við gerð verkefnisins. Með þessu er teymisvinnan undirstrikuð.

[breyta] Mat

Verkefnið ætti að vega um þriðjung af heildarmati vetrarins í tölvunotkun grunnskólabarna. Sjálfsmat nemanda og mat kennara byggir á sömu þáttum. Ef verulegur munur er á sjálfsmati og mati kennara, gefst tilefni til samtals kennara og nemanda um væntingar og sjálfsmynd.

Sjálfsmat nemenda og mat kennara byggja á eftirfarandi þáttum:

Ástundun 15%

1. Heimavinna og vinna í tímum
2. Beðið um aðstoð - veitt aðstoð
3. Farið eftir fyrirmælum og leiðbeiningum

Hegðun 15%

1. Almenn umgengni um tölvustofuna og hluti
2. Umgengni um innra net skólans
3. Almenn kurteisi

Internet og innra net 20%

1. Opna og vista skjöl á innra neti skólans, finna skjöl aftur
2. Senda skjöl með tölvupósti (attachment)
3. Finna gögn á heimasíðum

Ritvinnsla 20%

1. Uppsetning texta, samræmi texta, kaflar, undirkaflar og meginmál
2. Haus og fótur, töflur, myndir
3. Réttritun
4. Ritun og innihald

Powerpoint 20%

1. Uppsetning glærusýningar, samræmi texta og mynda
2. Myndefni og talað mál
3. Bakgrunnur, skipting milli glæra

Hjálparforrit 10%

1. Paint, Snapz Pro X
2. CamStudio, SoundRecorder, MovieMaker, Audacity eða hliðstæð forrit

Ekki er úr vegi að bæta við almennu mati nemanda á frammistöðu kennara við sjálfsmatið. Til þess mætti nota nafnlausa könnun eða bjóða nemanda að skrifa (taka upp) sjálfstætt og rökstutt álit.

[breyta] Niðurstaða

Verkefnið sýnir nemendum fram á hversu mikilvægt það er að geta gengið að skjölum sínum á vísum stað. Nemendur sökkva sér í verkefnið og taka það alvarlega vegna vægis þess í heildarmati vetrarins. Sumir nemendur sem hafa haft litla tölvufærni öðlast sýn á nýjar leiðir til að nýta sér stafsetningarforrit eða stílskipanir til að laga sköl að sínum þörfum (t.d. ef um lesblindu er að ræða) og geta síðan breytt skjalinu þannig að það verði læsilegt öðrum, án mikillar fyrirhafnar.

Tímamörk gera það að verkum að námssamfélag myndast í tölvustofunni utan hefðbundinna tíma og eftir að skóladegi lýkur. Í því samfélagi læra nemendur að taka tillit til hver annars, sérstaklega þegar þeir taka upp talglærur. Hjálpsemi og frjálst flæði hugmynda gerir vinnuna skemmtilega. Nokkrum mánuðum eftir að þetta verkefni var keyrt í fyrsta sinn spurðu nemendur um það hvort von væri á öðru. Þeir vonuðu að svo væri.

Allir sem luku við verkefnið skv. forskrift fengu einkunn á bilinu 8 - 10. Einkunnin endurspeglaði það að þeir fóru að fyrirmælum og var matið í samræmi við væntingar. Helst var það að sjálfsmat nemenda væri lægra en mat kennara á því hvort verkþætti væri skilað skv. væntingum.